விமல்-சூரி கூட்டணி மீண்டும் களமிறங்கும் ‘ஒரு ஊர்ல ரெண்டு ராஜா’ படப்பிடிப்பு இன்று தொடக்கம்

ஜெயம்கொண்டான்’, ‘கண்டேன் காதலை’, ‘சேட்டை’ ஆகிய படங்களை இயக்கிய ஆர்.கண்ணன் தற்போது இயக்கி வரும் புதிய படம் ‘ஒரு ஊர்ல ரெண்டு ராஜா’. இப்படத்தில் விமல் மற்றும் சூரி ஆகியோர் இரண்டு ராஜாக்களாக நடித்துள்ளனர். இப்படத்தின் கதாநாயகியாக பிரியா ஆனந்த் நடிக்கிறார்.

தூத்துக்குடியில் இருந்து சென்னை நோக்கி வரும் இரயிலில் நடக்கும் எதார்த்தமான சம்பவங்கள் தான் இப்படத்தின் கதை. முதல் பாதி வரை இரயிலிலும், இரண்டாம் பாதி கார் பயணம் என ஆக்ஷன், காமெடி கலந்த கமர்ஷியலான படமாக உருவாக்குகிறார்கள்.

இப்படத்தின் படப்பிடிப்பு இன்று சென்னை ஏ.வி.எம்.ஸ்டுடியோவில் தொடங்கியது. இந்த தொடக்க விழாவில், இயக்குனர் கண்ணன், நடிகர் சூரி, தயாரிப்பாளர் மைக்கேல் ராயப்பன் உள்ளிட்டோர் கலந்துகொண்டனர். தொடர்ந்து இப்படத்தின் படப்பிடிப்பு நடந்து வருகிறது. இப்படத்தை வரும் ஜூலை மாதம் வெளியிட திட்டமிட்டுள்ளனர்.

இப்படத்திற்கு டி.இமான் இசையமைக்கிறார். பி.ஜி.முத்தையா ஒளிப்பதிவு செய்கிறார். குளோபல் இன்போடெயின்ட்மெண்ட் நிறுவனம் மூலம் மைக்கேல் ராயப்பன் படத்தை தயாரிக்கிறார்.