வேலையில்லா பட்டதாரி பாடல்கள் எளிமை: கே.வி.ஆனந்த் பாராட்டு

தனுஷ் நடிப்பில் தற்போது உருவாகிக்கொண்டிருக்கும் படம் ‘வேலையில்லா பட்டதாரி’. இப்படத்தை அவருடைய சொந்த நிறுவனமான வொண்டர்பார் தயாரிக்கிறது. இதில் தனுஷுக்கு ஜோடியாக அமலாபால் நடித்து வருகிறார். இப்படத்தை வேல்ராஜ் இயக்கிருக்கிறார். 

அனிருத் இசையில் அனைத்து பாடல்களையும் தனுசே எழுதி பாடியிருக்கிறார். இப்படத்தின் பாடல்கள் சில நாட்களுக்கு முன் வெளியானது. இது ரசிகர்கள் மத்தியில் பெரும் வரவேற்பை பெற்றுள்ளது.

இப்படத்தின் ஆடியோவை கேட்ட இயக்குனர் கே.வி.ஆனந்த், இசையமைப்பாளர் அனிருத்துக்கு பாராட்டுகளை தெரிவித்துள்ளார். மேலும் படத்தின் பாடல் வரிகள் எளிமையாகவும், அற்புதமாகவும் இருக்கிறது என்று தனுஷ் மற்றும் இயக்குனர் வேல்ராஜை வாழ்த்தியுள்ளார்.

‘வேலையில்லா பட்டதாரி’ தனுஷின் 25வது படமாகும்.