பஹத் பாஸிலுடன் இணையும் ஸ்ருதி ஹாசன்

பஹத் பாஸிலுடன் ஜோடி சேரவிருக்கிறாராம் ஸ்ருதி ஹாசன்.

‘அன்னயும் ரசூலும்’ வெற்றிப்படத்தை தொடர்ந்து அதன் இயக்குனர் ராஜீவ் ரவியும், ஹீரோ பஹத் பாஸிலும் மீண்டும் ஒரு படத்தில் இணைகிறார்கள்.

படத்திற்கான கதையினை ராஜிவ் ரவி எழுத நவின் வாசுதேவ் இயக்குகிறார். இந்தப்படத்தின் மூலம் இயக்குனர் அவதாரம் எடுக்கும்இவர் ‘டாட்டூ’ என்ற குறும்படத்தையும் இயக்கியுள்ளார்.

இந்தப்படத்தில் ஹீரோயினாக நடிக்க ஸ்ருதிஹாசனிடம் பேச்சுவார்த்தை நடந்து வருகிறதாம்.

ஏற்கனவே தமிழ், தெலுங்கு, இந்தி என மூன்று மொழிகளிலும் அழுத்தமாக காலூன்றியுள்ள ஸ்ருதிக்கு, கதைக்கும் கதாநாயகிக்கும் முக்கியத்துவம் தரும் மலையாள சினிமாவில் நடிக்கும் ஆசையும் இருக்கிறதாம்.

அதனால் இந்தப்படத்திற்கு ஸ்ருதியிடம் இருந்து கிரீன் சிக்னல் வரும் என்ற நம்பிக்கையில் காத்திருக்கிறாராம் இயக்குனர்.