பர்ஸ்ட்லுக்கில் அசத்தும் அனிருத்

ஆக்கோ படத்தில் அனிருத்துக்கு முக்கியத்துவம் கொடுக்கப்பட்டுள்ளது.

அனிருத் இசை அமைத்து வரும் படம் ஆக்கோ. ஆர்வகோளாறு என்பதன் சுருக்கம்தான் இந்த ஆக்கோ.

புதுமுகங்கள் நடிக்கும் இந்தப் படத்தை எம்.ஷியாம்குமார் இயக்குகிறார். இந்த படத்துல முதலில் நடிக்க இருந்தவர் அனிருத். ஆனால் அவர் இப்போது இசையில் மட்டும் ஆர்வம் காட்டுவதால் இந்தப் படத்துக்கு நான் மியூசிக் மட்டும் பண்றேன் என்று சொல்லி படத்துக்கு 6 பாடல்களை போட்டுக் கொடுத்துவிட்டார்.

இந்நிலையில் புத்தாண்டு அன்று வெளியிட்ட படத்தின் பர்ஸ்ட்லுக்கில் அனிருத்தின் படங்களை வெளியிட்டு அவரை பெருமைப்படுத்தி விட்டார்கள்.

இதுகுறித்து படத்தின் இயக்குனர் எம்.ஷியாம் குமார் கூறுகையில், அனிருத் நடிக்க வேண்டும் என்பதற்காகத்தான் அவருக்கு இந்த கதையை சொன்னேன். அவர் இசை மட்டும் அமைக்க ஒப்புக் கொண்டு பாடல்களையும் கொடுத்துவிட்டார், அத்தனையும் சிறப்பாக வந்திருக்கிறது.

2014ன் சூப்பர் ஹிட் பாடல்களாக அது இருக்கும் என்றும் அவர் படத்தில் நடிக்காவிட்டாலும் அவரைப் பெருமைப்படுத்தும் விதமாக பர்ஸ்ட் லுக்கில் அவர் படத்தை வெளியிட்டிருக்கிறோம் எனவும் கூறியுள்ளார்.