Next விஜய் சேதுபதி கால்ஷீட் யாருக்கு?

திருக்குமரன் எண்டர்டெயின்மெண்ட் நிறுவனத்தின் சி.வி.குமார்  தயாரித்த 'அட்டகத்தி', 'பீட்சா', 'சூதுகவ்வும்' படங்கள் ஹாட்ரிக் ஹிட் அடித்தன.

அதைத் தொடர்ந்து 'பீட்சா 2' படத்தைத் தயாரித்தார். படம் சுமாராகப் போனது.

இதையெல்லாம் பற்றிக் கவலைப்படாத சி.வி.குமார் தற்போது 'தெகிடி'. 'முண்டாசுப்பட்டி', 'இடம் பொருள் ஏவல்', 'லூசியா ரீமேக்' என பல படங்களைத் தயாரித்து வருகிறார்.

ரஞ்சித், கார்த்திக் சுப்புராஜ் , நலன் குமரசாமி , தீபன் சக்கரவர்த்தி ஆகிய இயக்குநர்களும், ஹீரோ தினேஷ், இசை அமைப்பாளர் சந்தோஷ் நாராயண் ஆகியோர் சி.வி.குமாரின் அறிமுகங்களே.

 2014ம் ஆண்டு மீண்டும் 'பீட்சா', 'சூதுகவ்வும்' டீமுடன் இணைந்து படம் தயாரிக்கிறார் சி.வி.குமார். நலன் குமரசாமி ஒரு ஸ்கிரிப்டை எழுதி முடித்துள்ளார். படத்துக்கு இன்னும் பெயர் வைக்கவில்லை.

'ஜிகிர்தண்டா' இயக்கி வரும் கார்த்திக் சுப்புராஜ், அடுத்து சி.வி.குமாருக்கு படம் இயக்குகிறார்.

2014ன் மத்திய பகுதியில் இந்த படம் ஆரம்பமாகிறது. இரண்டு படங்களுக்குமே சந்தோஷ் நாராயணன்தான் இசை. இந்த இரண்டு படங்களில் ஏதேனும் ஒரு படத்தில் விஜய் சேதுபதி நடிக்கப்போகிறாராம்.