நறுக் சுருக் சினிமா செய்திகள்

கே.வி.ஆனந்த் இயக்கத்தில் தனுஷ் நடிக்கும் 'அனேகன்’ படத்தின் படப்பிடிப்பு பரபரப்பாக நடக்கிறது. அந்தமான் சென்றிருக்கும் தனுஷ், மும்பை பறக்கவிருக்கிறார். இந்தியில் நடிக்கவிருக்கும் புதிய படத்துக்குத் தயாராக வேண்டும் என்பதற்காகத்தான் இந்த விறுவிறுப்பு. பறந்து பறந்து நடிங்க தனுஷ்!

சின்னத்திரை தொகுப்பாளரான மா.கா.பா. ஆனந்த் இப்போ ஹிட். மா.கா.பா-வின் 'பத்து லட்சம் போதும்’ என்ற கண்ணியமான கண்டிஷனே இதற்குக் காரணம். எஸ்.ஜே.சூர்யாவின் உதவியாளர் சசி இயக்கும் படம் உள்பட, சார் ஏகப்பட்ட படங்களில் பிஸி. சூப்பரு சூப்பரேய்!

பாலிவுட்டில் பிஸியாக இருந்தாலும், முன்னணி ஹீரோக்களுக்குத் தூது விடுவதைத் தொடர்கிறார் இலியானா. 'நாளுக்கு நாள் நிறையப் பேர் அறிமுகமாகிறாங்க. அப்புறம் நம்மளைக் கண்டுக்காமப் போயிட்டாங்கனா என்ன பண்றது?’ என சிரிக்கும் இலியானா தான் ரன்பீர் கபூரின் அடுத்த பட நாயகி!