வடகிழக்கு அமெரிக்காவில் பனிப்புயலில் சிக்கி 9 பேர் பலி

வடகிழக்கு அமெரிக்காவில் ஏற்பட்டுள்ள பனிப்புயலின் காரணமாக அங்குள்ள மக்கள் வீடுகளில் முடங்கிப்போயுள்ளனர். இந்நிலையில் அங்கு 2 அடி உயரத்திற்கு பனி படர்ந்திருப்பதாக தகவல்கள் தெரிவிக்கின்றன.

அமெரிக்க விமான நிறுவனங்கள் நாடு முழுவதும் பயணிக்கும் 2300 விமானங்களை ரத்து செய்துள்ளன. நியூயார்க் மற்றும் நியூ ஜெர்சி மாகாண கவர்னர்கள் அங்கு அவசர நிலையை பிரகடனப் படுத்தியுள்ளனர். இதன் காரணமாக மக்கள் வீடுகளில் முடங்கியுள்ளனர். நூற்றுக்கும் மேற்பட்ட பள்ளிகள் மூடப்பட்டுள்ளன.

இதுவரை பனிப்புயலின் காரணமாக மிச்சிகன், கெண்டகி, இண்டியானா மற்றும் இல்லினாய்ஸ் மாகாணங்களில் 9 பேர் இறந்துபோயுள்ளதாக தகவல் தெரிவிக்கப்பட்டுள்ளது.