சாட்சி கையெழுத்திட்டு மனைவியை தாரை வார்த்தார் அத்தை மருமகன் கள்ளக்காதல் : திருமணம் செய்து வைத்த மாமா

ஈத்தாமொழி: நாகர்கோவில் அருகே உள்ள கிராமத்தை சேர்ந்த சென்டரிங் தொழிலாளி லிங்கேஷ் (32) (பெயர் மாற்றப்பட்டுள்ளது) இவருக்கு இன்னும் திருமணம் ஆகவில்லை. உடல் நிலை பாதிக்கப்பட்டு இருந்ததால், அருகில் உள்ள தனது தாய் மாமன் வீட்டில் சில காலம் லிங்கேஷ் தங்கி இருந்தார். இவரது மாமாவுக்கு வயது 52. தொழிலாளி. இவருக்கு 48 வயதில் மனைவி உள்ளார். ஆனால் இவர்களுக்கு குழந்தைகள் இல்லை. அப்போது, அத்தைக் கும், லிங்கேசுக்கும் தொடர்பு ஏற்பட்டது. இந்த விவரம் தெரிய வந்ததும், லிங்கேசை அவரது மாமா கண்டித்தார். ஆனாலும், இருவருக்கும் இடையேயான தொடர்பு தொடர்ந்தது. 

இருவரும் கடந்த சில மாதங்களுக்கு முன் பதிவு திருமணம் செய்து கொண்டனர். இதற்கு லிங்கேசின் மாமாவே சாட்சி கையெழுத்திட்டார். இதற்கிடையே லிங்கேசுக்கு அவரது வீட்டில் திருமண ஏற்பாடுகள் நடந்தபோது தான் கள்ளக்காதல் விவகாரம் வெளியே தெரியவந்தது. தனது மகனை மீட்டு தருமாறு லிங்கேஷின் தந்தை போலீசில் புகார் அளித்தார். 

போலீஸ் நடத்திய பேச்சு வார்த்தையின்போது பதிவு திருமணம் செய்த சான்றிதழ், அதில் லிங்கேசின் மாமாவே சாட்சி கையெழுத்திட்ட விவரம் உள்ளிட்டவற்றை சமர்ப்பித்தனர். இதனால் மேற்கொண்டு எதுவும் செய்ய முடியாமல், எழுதி வாங்கிக் கொண்டு போலீசார் அவர்களை அனுப்பி  வைத்தனர். இப்போது அத்தை - மருமகன் ஜோடியை எவ்வாறு பிரிப்பது என்பதில் உறவினர்கள் தீவிர ஆலோசனையில் உள்ளனர்.