நறுக் சுருக் சினிமா செய்திகள்

கௌதம் மேனன் படம் பிப்ரவரியில் தொடங்குகிறது. அஜித் இளமை துள்ளும் வேடத்தில் நடிக்கிறார். நாயகி தேடல் ஆரம்பம். த்ரிஷாவுக்கு வாய்ப்பு அதிகம் என்கிறார்கள். ஜெஸ்ஸி, ஜெஸ்ஸி சொல்லுதா?

வெங்கட்பிரபு - சூர்யா இணையும் படம் மே மாதத்திலிருந்து ஷூட்டிங் கிளம்பப்போகிறார்கள். ''பிரேம்ஜி படம் முழுக்க சூர்யாவுடன் இருப்பார்'' என்கிறார் வெங்கட்பிரபு. ஃபிலிமே இல்லாம படம் எடுத்தாலும் பார்ட்டி பிரேம்ஜி இல்லாமல் படம் எடுக்க மாட்டாரே.

பிரியங்கா சோப்ரா கவர்ச்சியில் கலக்கியுள்ள, 'குண்டே’ படத்தின் டிரெய்லர், துபாய் இன்டர்நேஷனல் பிலிம் ஃபெஸ்டிவலில் வெளியிடப்பட்டது. மேடை ஏறிய பிரியங்கா சோப்ரா அணிந்திருந்த உடை பலரை ஏக்கப் பெருமூச்சு விட வைத்ததாம்.

தமன்னாவுக்கு தெலுங்கில் முதல் ஹிட், 'ஹேப்பி டேஸ்’. அதன் பின் வருடம் ஒரு படமாவது தெலுங்கில் நடித்துள்ளார்.  ஆனால் 2013-ல் மட்டும் ஒரு படம்கூட தெலுங்கில் இல்லை என வருத்தப்படுகிறார். இப்போது மீண்டும் 'பாகுபலி’ படம் கிடைத்தது ரொம்ப உற்சாகமாக உள்ளதாம்.