மச்சான்ஸ் நான் அரசியல் பண்ணுது: நமீதா

நான் அரசியல்வாதியாக மாறுவேன் என்று அறிவித்துள்ளார் நமீதா.

நமீதா எப்போது அரசியலுக்கு வருவார் என்று ரொம்ப நாளாக மக்கள் எதிர்பார்த்து காத்திருக்கிறார்கள்.

நமீதாவும், தான் அரசியலுக்கு வருவேன் என்று சொல்லிக் கொண்டே இருக்கிறார்.

இந்நிலையில் திருச்சி பக்கம் ஒரு நிகழ்ச்சிக்கு வந்த அவர் மறுபடியும் தான் அரசியலுக்கு வருவேன் என்று சொல்லி விட்டுப் போயுள்ளார்.

திருச்சியில் நடந்த நிகழ்ச்சிக்கு வந்திருந்த அவரிடம் அரசியலுக்கு எப்போது வருவீர்கள் என்ற கேள்வி கேட்கப்பட்டது, அதற்கு பதிலளித்த அவர் கண்டிப்பாக நான் அரசியலுக்கு வருவேன். முழு நேர அரசியல்வாதியாகவம் மாறுவேன்.

ஆனால் எந்தக் கட்சி என்பதை இப்போது சொல்ல முடியாது.

மேலும் மோடி குறித்தும் அவர் சில வார்த்தைகளை தூவியுள்ளார், அதாவது, மோடியின் பிரச்சாரம் புதிதாகவும், வித்தியாசமாகவும் இருக்கிறது என்று கூறியுள்ளார்.

அதவேகத்தில் ஆம் ஆத்மியையும் பாராட்டத் தவறவில்லை, அதுகுறித்துக் கூறுகையில், ஆம் ஆத்மி கட்சி சாதாரண மக்களின் குரலாக ஒலிக்கிறது. அவர்களுக்கு என் வாழ்த்துக்கள் என்று ஆசிர்வதித்தார்.

பின்னர் அப்படியே ஒரு யு டர்ன் போட்டு விஜயகாந்த்தைப் பாராட்ட ஆரம்பித்தார், அனைத்து கட்சிகளும் அவரை தேடி வருகிற அளவுக்கு பலம் வாய்ந்து இருக்கிறார் என்று கூறியுள்ளார்.

அத்தோடு நில்லாத நமீதா, முதல்வர் ஜெயலலிதா நிறைய நலத்திட்ட உதவிகள் செய்து வருகிறார் என்று புகழ் மலர்களை வாரித் தூவியுள்ளார்.