ஏப்ரல் 11ல் கோச்சடையான் ரிலீஸ்!

கோச்சடையான்' படத்தின் முதல் புகைப்படம் வெளியானதில் இருந்து, படத்தினைப் பற்றி பல்வேறு தகவல்கள் வெளியாகி வருகின்றன.

இந்தியாவில் MOTION CAPTURE TECHNOLOGYல் உருவாகி வரும் திரைப்படம் 'கோச்சடையான்'.

ரஜினி, தீபிகா படுகோன், ஆதி, ஷோபனா, சரத்குமார், நாசர் மற்றும் பலர் இப்படத்தில் நடித்து இருக்கிறார்கள்.

'கோச்சடையான்' படத்தின் அனைத்துப் பணிகளும் முடிவடையும் நிலையில் உள்ளன. 

தற்போது படத்தினை விளம்பரப்படுத்தும் பணிகளை துரிதப்படுத்தி இருக்கிறார் இயக்குனர் செளந்தர்யா.

செளந்தர்யா இயக்கியுள்ள இந்தப் படத்திற்கு, ஏ.ஆர்.ரஹ்மான் இசையமைத்துள்ளார். பாடல்களின் உரிமையை சோனி நிறுவனம் வாங்கியிருக்கிறது.

படம் எப்போது வெளிவரும் என ரசிகர்கள் காத்திருக்க, 'இந்தா... அந்தா...' என்று ரிலீஸ் தேதி இழுத்துக்கொண்டே போனது. தீபாவளி, ரஜினி பிறந்த நாள், பொங்கல் ரிலீஸ் தேதி தள்ளிக் கொண்டே போனது.

தற்போது ஏப்ரல் 11ல் 'கோச்சடையான்' ரிலீஸ் ஆகும் என்று அதிகாரப்பூர்வமாக அறிவிக்கப்பட்டுள்ளது.