நாள் ஒன்றுக்கு ஒரு கோடி சம்பளமா?-சிம்பு அதிர்ச்சி

ஜில்லா பட வெற்றிக்கு பின்னர் விஜய் நடிக்கும் ஏ.ஆர்.முருகதாஸ் படத்தின் படப்பிடிப்பு விரைவில் துவங்க உள்ளது. இந்த படத்தில் விஜய்யுடன் முதல்முறையாக சமந்தா ஜோடி சேருகிறார். இந்நிலையில் விஜய்யின் அடுத்த படத்தை சிம்புதேவன் இயக்குகிறார் என்பது நமக்கு தெரிந்ததே. இந்த படத்தின் மூலம் நீண்ட இடைவெளிக்கு பின்னர் விஜய் ஒரு முழுநீள காமெடிக்கதையில் நடிக்க இருக்கிறார்.

இதில் விஜய்க்கு ஜோடியாக நடிக்க தீபிகா படுகோனே ஒப்புக்கொண்டுள்ளார். ஆனால் அவருடைய சம்பளம்தான் தயாரிப்பாளருக்கு பெரிய பிரச்சனை. நாள் ஒன்றுக்கு ஒரு கோடி சம்பளம் கேட்கிறாராம் தீபிகா படுகோனே. இதனால் சிம்பு தேவன் மற்றும் விஜய் சற்று அதிர்ச்சி அடைந்தாலும், தீபிகாவை ஒப்பந்தம் செய்ய படத்தயாரிப்பாளர் முடிவு செய்துள்ளார். முருகதாஸ் படம் முடிந்தவுடன் இந்த படத்தின் படப்பிடிப்பு ஆரம்பமாகும் என தெரிகிறது.