பவர்ஸ்டார் இரகசிய திருமணம்: இரசிகர்கள் எதிர்ப்பு

அழைக்கப்படுபவருமான பவன் கல்யாண், அவுஸ்திரேலிய நடிகை அன்னா லெழ்நோவாயை இரகசிய திருமணம் செய்து கொண்டார்.

இது அவருக்கு மூன்றாவது திருமணம் ஆகும். கடந்த செப்டம்பர் 30ம் திகதியே இவர்கள் ஐதராபாத் எர்ரட்டா இணைப் பதிவாளர் அலுவலகத்தில் பதிவு திருமணம் செய்து கொண்டார்கள்.

ஆனால் இப்போதுதான் அது வெளியாகி இருக்கிறது. 1997ல் விசாகபட்டினத்தை சேர்ந்த நந்தினியை பவன்கல்யாண் காதல் திருமணம் செய்து கொண்டார்.

இந்த திருமணத்துக்கு இரண்டு வீட்டிலுமே எதிர்ப்பு இருந்தது. பின்னர் இருவரும் கருத்து வேறுபாடு ஏற்பட்டு பிரிந்தனர். விவாரத்தும் செய்து கொண்டார்கள்.

அதன்பிறகு 2009ல் நடிகை ரேணு தேசாயை இரண்டாவது திருமணம் செய்து கொண்டார். இவர் பவன்கல்யாணுடன் இணைந்து பத்ரி, ஜானி போன்ற படங்களில் நடித்துள்ளார்.

இவர்களுக்கு அகிராநந்தன் என்ற மகனும், ஆத்யா என்ற மகளும் உள்ளனர். பிறகு ரேணுதேசாவையும் விவாகரத்து செய்து விட்டு தற்போது அவுஸ்திரேலிய நடிகையை திருமணம் செய்துள்ளார்.

இவர்கள் திருமணம் செய்து கொள்வதற்கு முன்பே இரகசியமாக குடும்பம் நடத்தியதாகவும் இதில் அவர்களுக்கு குழந்தை பிறந்துள்ளதாகவும் கூறப்படுகிறது.

பவன்கல்யாண் மூன்றாவது திருமணம் செய்ததால் ஆந்திராவில் அவரது இமேஜ் குறைந்துள்ளது. இரசிகர்கள் எதிர்ப்பு தெரிவித்து இணைய தளங்களில் கருத்துகள் வெளியிட்டு வருகின்றனர். பெண் இரசிகைகளும் பவன் கல்யாணை கண்டித்துள்ளனர்.