MailPrint குரூப்பாத்தான் கதை கேட்கிறாராம் விஜய் சேதுபதி

கதைகளை தெரிவு செய்வதற்காக ஒரு குழுவினை அமைத்துள்ளாராம் விஜய் சேதுபதி.

கடந்த இரு ஆண்டுகளாக கோடம்பாக்கத்தின் நம்பிக்கை நாயகனாக திகழ்கிறார் விஜய் சேதுபதி.

இந்த இரு ஆண்டுகளிலும் தொடர்ந்து 5 வெற்றிப் படங்களில் நடித்த இவர் இந்த வெற்றியைத் தக்க வைத்துக் கொள்வதற்காக ஒரு புதிய செட்டப்பை உருவாக்கியிருக்கிறாராம்.

இதுவரை படங்களுக்கு தான் மட்டும் கதை கேட்டு, தெரிவு செய்து நடித்து வந்தவர், இனி கதை கேட்பதற்கென்றே ஐந்து பேர் கொண்ட குழுவை உருவாக்கியிருக்கிறாராம்.

இந்த ஐந்து பேருடன் சேர்ந்து கதை கேட்கும் விஜய் சேதுபதி, கதை சொன்னவர் போன பிறகு, தன் குழுவினர் கருத்தையெல்லாம் கேட்ட பிறகே கால்ஷீட் கொடுக்க முடிவு செய்துள்ளாராம்.

விஜய் சேதுபதி நடிப்பில் பண்ணையாரும் பத்மினியும், ரம்மி இறுதிகட்ட படப்பிடிப்பில் உள்ளது. 

'சங்குதேவன், வன்மம், சீனுராமசாமியின் இடம் பொருள் ஏவல், எஸ்.பி.ஜனநாதன் இயக்கும் புறம்போக்கு போன்ற படங்களில் நடித்துக் கொண்டிருக்கிறார்.