விதார்த் நடிக்கும் புதிய படம் ‘அருத்தாப்பத்தி’

நடித்தவர் நடிகர் விதார்த். இவர் ‘வீரம்’ படத்தில் அஜீத்துடன் இணைந்து நடித்துள்ளார். இந்நிலையில், இவர் ‘அருத்தாபத்தி’ என்ற புதிய படத்தில் நாயகனாக நடிக்க ஒப்பந்தமாகியுள்ளார். 

இந்த படத்தை சஜின் வர்கீஸ் என்பவர் இயக்குகிறார். இவர் தமிழில் ‘காசி’, ‘அற்புதத்தீவு’ உள்ளிட்ட படங்களை எடுத்த இயக்குனர் வினயனிடம் அசோசியேட்டாக பணியாற்றியவர். இதில் விதார்த்துக்கு ஜோடியாக கொல்கத்தா மாடல் அழகி ஐஸ்வர்யா தத் நடிக்கிறார். மேலும் தம்பி ராமையா, மனோபாலா, தேவதர்ஷினி உள்ளிட்டோரும் நடிக்கின்றனர். 

இப்படம் வித்தியாசமான கதையமைப்போடு, பரபரப்பூட்டும் காட்சிகள் கொண்ட திரில்லிங் படமாக உருவாகவிருக்கிறது. ஒளிப்பதிவை நவாஸ் கவனிக்கிறார். இசையை லஜ்ஜாவதி பாடல் புகழ் ஜாஸி கிப்ட் அமைக்கிறார். இவர் நீண்ட இடைவெளிக்குப் பிறகு தமிழ் படத்திற்கு இசையமைக்கிறார். 

இப்படத்தின் துவக்கவிழா இன்று சென்னை ஏ.வி.எம். ஸ்டுடியோவில் ஆரம்பமாகியது. இந்த விழாவில் படக்குழுவினர் பங்குகொண்டு குத்துவிளக்கேற்றி படத்தை தொடங்கி வைத்தனர்.