அடுத்தடுத்து மூன்று மாஸ் ஹிட் : அஜீத்தின் மாஸ்டர் ப்ளான் ரெடி!

ஆரம்பம்’, ‘வீரம்’ என மாஸ் ஹிட்டுகளின் தாக்கம் அடுத்தடுத்த படங்களிலும் கண்டினியூவ் ஆக வேண்டும் என்கிற நம்பிக்கையில் இருக்கிறார் அஜீத்.

அதற்காக யார் கதை சொல்ல வந்தாலும் அந்தக் கதைக்கு உடனே அவர் சம்மதம் சொல்வதில்லை. மாறாக அதை கொஞ்சம் ஊறப்போட்டு அதில் இருக்கும் பிளஸ், மைனஸ் எல்லாவற்றையும் ஆராய்ந்து தான் ஓ.கே சொல்கிறார்.

அப்படித்தான் கெளதம் மேனனை பண நெருக்கடியில் இருந்து காப்பாற்ற வேண்டும் என்கிற நல்ல எண்ணம் இருந்தாலும் கூடுதலாக அவர் சொன்ன கதையும் ரொம்பவே பிடித்துப் போனதால் தான் அவர் படத்தில் நடிக்க சம்மதம் சொன்னாராம்.

இந்தப் படத்தின் படப்பிடிப்பை மார்ச் மூன்றாவது வாரத்தில் தொடங்க இருக்கிறார் கௌதம் மேனன்.  இதற்கடுத்து அஜீத் தொடர்ந்து மூன்று படங்களில் நடிக்க தயாராகி வருகிறார்.

கே.வி.ஆனந்த் டைரக்‌ஷனில் ஒரு படம், மீண்டும் விஸ்ணுவர்தன் டைரக்‌ஷனில் ஒரு படம், சிறுத்தை சிவா டைரக்‌ஷனில் ஒரு படம் என அடுத்தடுத்த படங்களின் பட்டியலை இப்போதே போட்டு வைத்து விட்டார் அஜீத்.

அதிலும் கே.வி ஆனந்த் படம் ரஜினிக்காக உருவாக்கப்பட்ட கதை என்பதால் அந்தப்படத்தின் மீதான எதிர்பார்ப்பு ரசிகர்களிடையே இன்னும் அதிகரித்திருக்கிறது.