தல’ போல வருமா…? : அஜித் செய்த ‘அல்டிமேட்’ உதவி!!!

ஒரு நடிகராக வெளியில் வருவதேயில்லை என்ற குற்றச்சாட்டுகள் மீடியாக்கள் மத்தியில் இருந்தாலும், யாருக்கும் தெரியாமல் சக மனிதர்களுக்கு உதவி செய்வதில் ரஜினிக்கு அடுத்த இடத்தில் இருக்கிறார் அஜித்.

ஆனால் விஜய் அப்படியல்ல, பத்து ரூபாய் நோட்டு புத்தகம் கொடுத்தால் கூட பத்திரிகையாளர்களை கூப்பிட்டு அதை பப்ளிசிட்டி செய்வார். அப்படித்தான் சில மாதங்களுக்கு முன் நலிந்த தயாரிப்பாளர்களுக்கு 5 லட்சம் கொடுத்ததை பப்ளிசிட்டி செய்தார் விஜய்.

இந்நிலையில் கேளம்பாக்கத்திற்கு அருகில் 12 கிரவுண்ட் நிலத்தை வாங்கி, தன்னிடம் வேலை பார்க்கும் 12 பேருக்கு கொடுத்து விட்டு சைலண்ட்டாக இருக்கிறார் அஜித். சில மாதங்களுக்கு முன்பு இந்த இடத்தை தானே நேரில் சென்று பார்த்து வாங்கிய அஜித் உடனே வீடுகட்ட பூமி பூஜையெல்லாம் போட்டுவிட்டு ‘வீரம்’ படப்பிடிப்புக்காக சென்று விட்டார்.

இப்போது அந்த இடத்தில் வீடுகள் கட்டி முடிந்த நிலையில், அந்த வீடுகளை தனது வீட்டில் வேலை செய்யும் அத்தனை வேலையாட்களிடமும் அவர்கள் சொந்த வீடாக ஒப்படைத்து விட்டார் அஜித். அதோடு விடவில்லை அஜித், இந்த இடத்தையும், அதில் வீடு கட்டிக் கொடுத்ததையும் யாரிடமும் சொல்லக் கூடாது என்று சத்தியமே வாங்கிக் கொண்டாராம்.

ஆனால் அஜித்துக்கு போட்டியாக சொல்லப்படும் நடிகர் விஜய் இதுவரை யாருக்கும் ஒரு குடிசை கூட கட்டிக்கொடுத்ததாக செய்திகள் வந்ததில்லை. அந்த விஷயத்தில் ரஜினிக்கு அடுத்த படியாக அஜித் தான் என்பதை விஜய் ரசிகர்களே ஒப்புக்கொண்டாலும் ஆச்சரியப்படுவதற்கில்லை.