தொப்புள் சீனுக்கு டூப் வெச்ச மாதிரி அடுத்த பஞ்சாயத்து ஸ்டார்ட் ஆகுமோ?

விஜய் சேதுபதி 82 கிலோ இருந்தவர் இப்போது 10 கிலோ எடை குறைத்துள்ளார். படப்பிடிப்பு இல்லாத நாட்களில் சிவாஜி, சாவித்ரி, பத்மினி, நடித்த பழைய படங்களை விரும்பிப் பார்ப்பாராம். ஷட்டில்காக் தினமும் விளையாடுகிறார். தனக்கு மிகவும் பிடித்த மட்டன் பிரியாணியை இப்போது ஒதுக்கிவைத்துள்ளார். ஆனாலும் நீ வெயிட்டு தலீவா!

'புலிவால்’ படத்தில் ஓவியாவுடன் ஜோடியாக நடிக்கும் பிரசன்னா மாலை நேரம் கொஞ்சம் தாமதம் ஆனாலும் பதறுகிறாராம். சினேகா கர்ப்பம் என்பதால், சீக்கிரத்தில் வீடு திரும்ப உத்தரவாம். பொறுப்பு வந்துடுச்சு!

மலையாளப் படம் என்றால் குறைந்த சம்பளம் என்றாலும் ஒ.கே. சொல்கிறாராம் அமலாபால். காரணம் மண்வாசம். 'மோகன்லால், மம்முட்டி, திலீப் இவர்களுடன் நடிப்பதே பெரிய விஷயம். அவர்கள் படத்தை தியேட்டரில் பார்த்து விசில் அடித்து வளர்ந்த பொண்ணு நான்’ என்று காரணம் சொல்கிறாராம். அட, சான்ஸ் இல்லைனு சொல்லுங்கப்பா!

அல்லு அர்ஜுனுக்கு கேரள தேசத்தில், இங்கு விஜய்க்கு எவ்வளவு மாஸ் உண்டோ அவ்வளவு மாஸ் உண்டு. அவரின் படங்கள் வசூலை வாரிக் குவிப்பதால் கவலை அடைந்துள்ளது கேரள உலகம். இப்போது மலபார் கோல்டு விளம்பரத்திலும் வருகிறார் அல்லு.

 

 காஜலைப் பற்றித் தெலுங்கு உலகில் விதவிதமான வதந்திகள் உலா வருகின்றன. 'உதயநிதி படத்தில் நடிக்க 2 கோடி சம்பளம் கேட்டார்’, 'விரைவில் தங்கையைப் போல திருமணம் செய்துகொள்வார்’ என்று கிளம்பும் செய்திகளால் கவலையில் ஆழ்ந்துள்ளார் காஜல். கவலைப்படாதே கண்ணு!

 

!