பிரபலத்தில் டோனியை மிஞ்சினார் கோஹ்லி

மும்பை: ஒரு தொடரில் டோனி விலகிய நிலையில் கேப்டன் பொறுப்பேற்ற விராத் கோஹ்லி இன்டர்நெட்டில் ரொம்பவே பிரபலமாகி விட்டாராம்.

ஆசிய கோப்பை தொடரில் காயம் காரணமாக டோனி விலகியதால் இந்திய அணி கேப்டன் பொறுப்பை விராத் கோஹ்லி ஏற்றுக் கொண்டார். அதிலிருந்து இணையதளத்தில் இவரைப் பற்றிய தகவல்களை ரசிகர்கள் அதிகம் தேடுவதாக கூகுள் வலைதளம் தகவல் வெளியிட்டுள்ளது. 

‘பிரபலத்தில் டோனியை கோஹ்லி மிஞ்சி விட்டார். கடந்த ஆண்டு விளம்பரம் ஒன்றில் நடித்த போது, பாலிவுட் நடிகை அனுஷ்கா சர்மாவுடன் இணைந்து கோஹ்லி கிசுகிசுக்கப்பட்டார். அப்போதும், கேப்டன் பொறுப்பை ஏற்று கொண்ட போதும் கோஹ்லியை பற்றி ஏராளமானோர் கூகுள் தேடல் இணையதளத்தில் தகவல்களை திரட்டியுள்ளனர். அதன் மூலம் டோனியை மிஞ்சி கோஹ்லி முதலிடத்தை பிடித்துள்ளார். 2வது இடத்தில் டோனியும், 3வது இடத்தில் யுவராஜ் சிங்கும் (ஐபிஎல் ஏலத்தில் அதிக தொகைக்கு ஏலம் எடுக்கப்பட்டதால்) உள்ளனர். சேவக், ரெய்னா முறையே 4, 5வது இடத்தில் உள்ளனர்’ என கூகுள் வலைதளம் கூறியுள்ளது.